– Соңғы жылдары Түркі мемлекеттері ұйымы толыққанды халықаралық құрылым ретінде қалыптасты. Ол аймақаралық және жаһандық ерекшелікке ие бейбітшілік пен ынтымақтастық форумына айналып қана қоймай, әлемдік экономикалық өсу орталықтарының біріне айналды. Бұл өзгерістер Өзбекстанның осы құрылымдағы саяси және экономикалық рөліне байланысты жүзеге асырылуда.
Қазіргі уақытта TМҰ атқарушы органдарды және өзара ынтымақтастықтың түрлі салаларын қалыптастыруда. Біз бұл үдерістің күшеюі мен жеделдеуін бақылап отырмыз.
Түркі мемлекеттері ұйымына мүше елдердің тауар айырбастау көлемінің 30 миллиард долларға жақындағаны қуантады. Сонымен қатар, тараптар өзара да, TМҰ аясында да, тауар айырбастауды ұлғайту бойынша үлкен мақсаттарды алдына қойған және бұған түркі елдері арасындағы байланысты арттыратын көлік жобаларын дамыту көмектеседі.
Өзбекстан басшысы көтерген бастамалар мүше мемлекеттердің ТМҰ-ға мүше болмаған елдермен саяси және экономикалық ынтымақтастығын одан әрі тереңдету тұрғысынан дер кезінде жасалған бастама болды деп ойлаймын.
Бұл формат, бір жағынан, түрлі аймақтар арасындағы ынтымақтастықты нығайтса, екінші жағынан, түркі әлеміндегі тыныштық пен тұрақты дамуды қамтамасыз етеді.
