Шара Өзбекстанның «Prestige Travel» және Черногорияның «R-Tours Budva» компанияларының бастамасымен Мәдениет және туризм министрлігімен бірге ұйымдастырылды. Оған Мәдениет және туризм министрінің бірінші орынбасары Улықбек Аъзамов, екі елдің жетекші қонақ үй брендтері мен туристік компаниялардың басшылары қатысты.
«Бүгінде туризмнің Өзбекстан экономикасында ұстанған орны артып келеді. Мұны өткен жылы елімізге келген шетелдік туристер саны 5,2 миллионға жетіп, туристік қызмет көрсету экспорты 1,6 миллиард доллардан асқанынан көруге болады. Биыл Еуропадан Өзбекстанға келетін туристер саны күрт артады деп күтілуде. Бұл ретте Черногория мемлекетімен туризм саласындағы екіжақты қарым-қатынастарымыздың да орны ерекше.
Біз Черногорияға еліміздің тарихи орындарымен, бай мәдени мұрасымен және әсем табиғатымен жақынан танысу үшін келетіндер санының артып келе жатқанын бағалаймыз және оларды елімізде көруге риза боламыз», — деді Мәдениет және туризм министрлігінің бірінші орынбасары Улықбек Аъзамов.
Шара барысында шетелдік кәсіпкерлерге Өзбекстанда туризм саласына жасалған мүмкіндіктер мен соңғы жетістіктер туралы толық ақпарат берілді. Бұдан кейін тараптар екі елдің туристік мүмкіндіктерін тиімді пайдалана отырып, өзара мүдделі келісімдерге қол жеткізу жөнінде сұхбаттасты.
«2023 жылдың июнь айынан бастап Өзбекстан мен Черногория арасында тұрақты тікелей әуе қатынауы жолға қойылады. Бұл екі елдің туристік кәсіпкерлері үшін жаңа мүмкіндік пен маңызды қолайлылық. Жүзеге асырылып жатқан істер еліміздің азаматтарының сапалы демалысы үшін маңызы зор. «Prestige Travel» компаниясы осы мәселеде жеткілікті тәжірибе негізінде жұмыс істейді. Себебі, Өзбекстанда бірінші болып Мысыр, Вьетнам және бірқатар Еуропа елдеріне тікелей әуе рейстерін ашып, саяхатқа жол ашып отырмыз», - дейді “Prestige Travel” компаниясының негізін қалаушы Ойбек Ахмедов.
Биыл Өзбекстанға келетін шетелдік туристер саны 7 миллионға жетеді деп күтілуде. Өзбекстанның туристік әлеуетін әлемге таныту және Еуропа елдерінен келетін туристер санын арттыру мақсатында елімізде туризмнің қарқынды дамуына жағдай жасалуда. Бүгінде елімізде 5 мыңға жуық орналастыру орындары жұмыс істейді, республикада туристерді қабылдайтын орындар саны 100 мыңнан астамға дейін өсті.
Мәдениет және туризм министрлігі салада істеп жатқан кәсіпкерлердің қызметін қолдап-қуаттап, елімізде жаңа туристік бағыттардың ашылуына мүмкіндіктер жасап беру үстінде жұмыс жүргізілуде. Осы арқылы халықтың туристік мәдениетін арттыруға және олардың сапалы демалуына жағдай жасалады.
Осы іс-шараны ұйымдастыруға бастамашы болған “Prestige Travel” компаниясына 2018 жылы негізі қаланып, осы уақытқа дейін компания Өзбекстанның жаңа бағыттарына рейстер ашуда маңызды бастамаларды қолға алып келеді.
Атап айтқанда, «Prestige Travel» компаниясы тарапынан 2018 жылы алғаш рет Ташкенттен Мысырдың Шарм-ал-Шайх қаласына тікелей рейстерді қоя бастады. Сондай-ақ, 2021 жылдың май айында Мысырдың ең ірі туристік орталықтарының бірі Хургада қаласына тікелей рейстерді жолға қойды және сол жылдың өзінде Вьетнамның Пху Куок аралына да жаңа бағыт ашылды. Сонымен қатар, 2022 жылдың жазында Вьетнамдағы курорттық қалалардың бірі Нха Транг қаласына тікелей ұшуға мүмкіндік туды.
Бүгінгі күннің ең маңызды жаңалықтарының бірі - “Prestige Travel” компаниясы тарапынан 2023 жылдың июнь айынан бастап, Ташкенттен Черногорияның Тиват қаласына тікелей рейстер жүзеге асырыла бастайды, деп хабарлайды Мәдениет және туризм министрлігінің баспасөз қызметі.
