Әкімшілік жауапкершілік туралы кодекске енгізілген өзгерістерге сәйкес, жалпы пайдаланылатын электр, жылу және газ желілеріне өз бетінше қосылу немесе оларды пайдалану ережелерін өзге жолмен бұзу — азаматтарға базалық есептік мөлшердің (БЕМ) 15 есесінен 20 есесіне дейін, ал лауазымды тұлғаларға 25 есесінен 30 есесіне дейін айыппұл салуға негіз болатыны белгіленді.
Қолданыстағы редакцияда азаматтарға БЕМ-нің 10 есесінен 15 есесіне дейін, ал лауазымды тұлғаларға 20 есесінен 25 есесіне дейін айыппұл салу көзделген.
Жалпы пайдаланылатын электр, жылу, газ немесе су құбыры желілеріне коммерциялық мақсатта өз бетінше қосылу — БЕМ-нің 15 есесінен 25 есесіне дейін айыппұл салуға немесе 15 тәулікке дейін әкімшілік қамауға алуға негіз болады.
Қолданыстағы редакцияда айыппұл мөлшері БЕМ-нің 10 есесінен 20 есесіне дейін деп белгіленген.
Қылмыстық кодекске енгізілген өзгерістерге сәйкес, жалпы пайдаланылатын электр, жылу, газ немесе су құбыры желілеріне өз бетінше қосылу, сондай әрекет үшін әкімшілік жаза қолданылғаннан кейін қайта жасалған жағдайда — БЕМ-нің 30 есесінен 75 есесіне дейін айыппұл салу, немесе 240 сағатқа дейін міндетті қоғамдық жұмыстарға тарту, немесе бір жылға дейін түзеу жұмыстары бойынша жазалану белгіленді.
Қолданыстағы редакцияда айыппұлдың ең төменгі БЕМ-нің 25 есесі белгіленген.
Заң ресми жарияланған күннен бастап 3 ай өткен соң күшіне енеді.
