Осы Заңмен «Тұтынушылардың құқықтарын қорғау туралы», «Мәдени қызмет және мәдени ұйымдар туралы» және «Жарнама туралы» заңдарға өзгерістер мен қосымшалар енгізілуде.
Мәдениет министрлігінің жанды орындаушылық өнерді дамытуға, әртістерді, шығармашыларды және орындаушыларды қолдап-қуаттауға байланысты бірқатар өкілеттіктері берілуде.
Атап айтқанда, мемлекеттік мәдени-концерттік-қойылымдарды ұйымдастыру және өткізу кезінде жанды дауыста орындау немесе фонограммадан пайдалану деңгейін және әдістерді белгілеу, орындаушылардың фонограмма мен авторлық шығармаларды пайдалануда қолданыстағы заңдылықты сақтауын мониторинг жасауда сондай-ақ ұлттық өнер мен мәдениеттің беделін арттыруға қызмет ететін шығармашыларды қолдап-қуаттау туралы іс-шараларды жүзеге асыру көзделуде.
Жаңа нормаларды тәжірибеге енгізілуінің нәтижесінде музыка саласының одан әрі дамуына, жаңа таланттардың шығуына, өзіндік шынайы жанды дауысы бар әншілер мен күйшілердің қызметін кеңінен ынталандыруға қызмет етеді.
Сонымен қатар, Заңда концерттік-қойылымдық шаралардың бағдарламасында орындаушылар мен шығарманың авторлары көрсетілуі тиіс, сондай-ақ концерттік-қойылым шараларының жарнамасында фонограмманы қолдану деңгейі туралы мәліметтер жалпы жарнама алаңының кемінде он пайызын құрауы туралы қосымшалар мен өзгерістер енгізілуде.
Бұл көрермендердің өз таңдауын саналы түрде қабылдауына көмектеседі. Қай әнші шырқап жатыр, кім музыкасын жазған, қаншалықты жанды, қаншалықты фонограмма барлығы анық және жариялы түрде болады.
Осы Заңның қабылдануы концерттік-шоу іс-шараларын ұйымдастыру тиімділігін арттыруға, жанды орындау өнерін дамытуға, тұтынушылардың құқықтарын одан әрі нығайтуға негіз қалайды.
