Бұл шараны Сенаттың Жастар, мәдениет және спорт мәселелері комитеті Дүниежүзілік денсаулық сақтау ұйымының (ДДСҰ) Өзбекстандағы өкілеттігімен бірлесіп ұйымдастырды.
Естеріңізге сала кетейік, ағымдағы жылдың 26 авгусында «Өзбекстандағы жасөспірімдер мен жастардың рухани денсаулығы» тақырыбында дөңгелек үстел өткен болатын. Онда жастардың рухани денсаулығы мәселесіне мүдделі ұйымдар өкілеттерінен құралған жұмысшы топ құрылған еді.
Шараға сенаторлар, мүдделі министрліктер мен кеңселердің, халықаралық, қоғамдық ұйымдардың, Сенат жанындағы Жастар парламентінің және БАҚ өкілдері қатысты.
Онда Өзбекстанда жүзеге асырылған әлеуметтiк-экономикалық өзгерiстер мен іс-шаралар, бiлiм және озық халықаралық тәжiрибе алмасу, халықтың, әсiресе, жеткiншектер мен жастардың рухани денсаулығын нығайтуға бағытталған ғылыми зерттеулердiң нәтижелерi мен даму стратегиялары талқыланды.
Атап өтілгендей, 2019 жылдың февраль айында әлемнің басқа елдері сияқты Өзбекстан да халыққа көрсетілетін рухани денсаулық қызметтерін дамыту, психиатриялық көмекті пайдалану мүмкіндігін, нәтижелілігі мен сапасын арттыру, рухани аурулардың әлеуметтік-экономикалық жүктемесін азайту, сондай-ақ көрсетілген емдеу-диагностикалық және медициналық-сауықтыру көмегінен тұрғындардың тиімді пайдалана алуы саласындағы іс-шараларды жан-жақты қолдап-қуаттайтынын хабарлады.
Атап айтқанда, Өзбекстан Республикасы Президентінің 2019 жылғы 13 февральде «2019-2025 жылдарға арналған Өзбекстан Республикасы халқына рухани денсаулық сақтау қызметін дамыту концепциясын бекіту туралы» қаулысы қабылданды.
Бүкіл әлемде, сонымен қатар елімізде де жасөспірімдер мен жастар экономикалық, әлеуметтік, рухани ауру, есірткіні пайдалану, кибер әлеуметтік алмасу, оқу орындары мен қоғамда стигматизация және оқшаулану сияқты көптеген мәселелерге тап болуда. Жалпы, қазір әлеуметтік медианы пайдалану мен рухани денсаулық, соның ішінде депрессия, тәшпіш және әл-ауқаттылық арасындағы байланысты көрсететін маңызды зерттеулер бар.
Сонымен қатар рухани денсаулық және қоғамның осы проблемаларына қызығушылығын арттыруда, рухани денсаулық жүйесін нығайтуда барлық мүдделі тараптардың, әсіресе жастардың өздері қатысуы маңыздылығына назар аударылды. Сондай-ақ денсаулық сақтау, білім беру, әлеуметтік қорғау, балалар мен жасөспірімдерді қорғаудың барлық жүйелеріндегі кейбір жалпы құрылымдық кедергілерді жою бойынша бірқатар іс-шараларды зерделеу және әзірлеу қажет.
Шара соңында жұмысшы топ мүшелерінің ұсыныстары негізінде 2023 жылға арналған Жастардың рухани денсаулығын нығайтуға қатысты іс-шаралар жоспарының жобасын қабылдауға келісілді.
Өзбекстан Республикасы Олий Мажлисі Сенатының Ақпарат қызметі.
