Бельгия астанасының халықаралық әуежайында Мемлекет басшысын Еуропалық Одақтың Орталық Азия бойынша арнайы өкілі Эдуардс Стипрайс және басқа да ресми тұлғалар қарсы алды.
24 қазан күні Өзбекстан Президенті Еуропа кеңесінің Президенті Антониу Кошта және Еуропа комиссиясының Президенті Урсула фон дер Ляйенмен келіссөздер жүргізіп, сондай-ақ Бельгия Королі Филипппен кездесу өткізеді.
Мемлекет басшысы Өзбекстан Республикасы мен Еуропалық Одақ арасындағы кеңейтілген әріптестік және ынтымақтастық туралы келісімге қол қою рәсіміне қатысады.
Сапар аясында Еуропаның жетекші компаниялары мен қаржы құрылымдарының өкілдерімен дөңгелек үстел отырысын өткізу де жоспарланған.
