Келіссөздерде елімізде әлеуметтік-экономикалық дамуды ынталандыруға және жеке секторды қолдауға бағытталған жаңа жобаларды жүзеге асыруды көздеген Өзбекстан мен ЕТДБ арасындағы өзара мүдделі ынтымақтастықтың қазіргі жағдайы мен оны тереңдетудің болашағы зор бағыттары талқыланды.
Өзбекстанға тартылған қаржылар бойынша екінші жыл қатарынан Банктің Орталық Азия аймағындағы ең ірі серіктесіне айналып отырғаны атап өтілді. Тек 2021 жылдың өзінде ЕТДБ баламалы энергетика, инфрақұрылымды дамыту, шағын және орта бизнесті қолдау салаларындағы 22 инвестициялық жобаны жүзеге асыру аясында елге дерлік 700 миллион доллар инвестиция енгізді. Сонымен қатар, өткен жыл қорытындысына қарағанда Өзбекстан ЕТДБ инвестиция көлемі бойынша «үздік бестік елдеріне» енді.
Бүгінгі таңда ЕТДБ-ның қолдауымен жүзеге асырылған жобалар портфеліне 838 миллион еуроны құрайтын 11 жоба кіреді. Аталған жобаларды жүзеге асыруды жеделдету шаралары талқыланып, нақты мерзімдер мен күтілетін нәтижелер белгілеп алынды.
Өзбекстан тарапы ЕТДБ, сондай-ақ Өзбекстанның жекеменшік компаниялары мен коммерциялық банктері арасындағы ынтымақтастық байланыстарының өзара дамып жатқанын құптады. Серіктестік орнағаннан бері ЕТДБ 106 жобаны жүзеге асыру үшін 2,8 миллиард еуродан астам қаражатты алып кірді.
Банктің инвестициялық портфелінің 48%-ын жеке секторды қолдау жобалары құрайды, ал еліміздің коммерциялық банктеріне шағын және орта бизнеске арналған несие желілері түрінде берілген жалпы қаржыландырудың көлемі 450 миллион долларды құрайды.
Келіссөздер кезінде тараптар мемлекеттік кәсіпорындар мен банктерді жекешелендіруге техникалық көмек көрсету, инвестициялық ортаны жақсартудың жаңа механизмдерін жасау, аралас қаржыландыру құралдарын енгізу арқылы коммуналдық қызметтер мен инфрақұрылымдық дамудың инвестициялық тартымдылығын арттыру, қаржы базарын дамыту мен жергілікті экспорттарды қолдап-қуаттау сияқты үстем бағыттарда ынтымақтастықты одан әрі тереңдету бойынша кезектегі шараларды талқылады.
Инвестицияларды және озық технологияларды тарту құралдарын, сондай-ақ мемлекет экономикасының үстем тармақтарына базар механизмдерін енгізуді қамтитын Өзбекстан өнеркәсiбiн дамыту стратегиясын жасауда ынтымақтастық мүмкіндіктеріне айрықша назар аударылды. Ынтымақтастықтың осы бағыты аясында бірлесіп жұмыс істеу және нақты ұсыныстар әзірлеу туралы келісімге қол жеткізілді.
Сондай-ақ энергияны үнемдейтін технологияларды енгізу, климаттың өзгеруіне қарсы күрес және қоршаған ортаны қорғау бойынша жобаларды жүзеге асыруды көздеп, «жасыл» экономиканы алға тарту үшін ЕТДБ көрсетіп отырған қаржылық және мәслихат көмегінің көлемін ұлғайту болашақтары талқыланды.
Атап айтқанда, Өзбекстанда «жасыл» жобалар Орталығын ұйымдастыру бастамасы қаралды, ал бұл даму бойынша серіктестер мен жеке инвесторлардың «жасыл» технологияларын алға тарту және «жасыл» экономикаға өтудегі іс-әрекеттерді біріктіруге мүмкіндік береді.
Келіссөздер күн тәртібіне гендерлік теңдікті қамтамасыз ету, әйелдердің құқықтары мен мүмкіндіктерін кеңейту және олардың кәсіпкерлікке қызметіне қатысуын арттыру іс-шараларына айрықша орын берілді. Елімізде әйелдер кәсіпкерлігін дамытуды қолдауға бағытталған «Бизнестегі әйелдер» бағдарламасын одан әрі кеңейту жолдары талқыланды.
Бұдан тыс, басқа мәселелер, атап айтсақ, Өзбекстан аумақтарында Банктің жаңа офистерін ашудың алдағы болашағы, 2023 жылы Самарқант қаласында өтетін ЕТДБ Басқарушылар Кеңесінің Жылдық жиналысына дайындық көру, сондай-ақ үстіміздегі жылдың март айында өтетін Ташкент халықаралық инвестициялық форумында Банк басшылығының қатысуын ұйымдастыру мүмкіндіктері талқыланды, деп хабарлайды Инвестициялар және сыртқы сауда министрлігінің баспасөз қызметі.
