Мақсат – елімізде өндірілетін дайын былғары, аяқ киім, елтірі мен қаракөл, әтір-опа бұйымдарын Еуропа базарына экспорттауды одан әрі кеңейту және ЕО-ның әлеуетті компанияларымен инвестициялық жобаларды жүзеге асыру.
Халықаралық көрме аясында бірлестік өкілдері бірқатар нәтижелі келіссөздер мен кездесулер өткізді. Атап айтқанда, Польшаның аяқ киім және былғары кеңесінің президенті Марек Горетскимен кездесу кезінде еліміздің өндірістік әлеуеті, инвесторларға жасалып жатқан жағдайлар, салық және кеден жүйесіндегі реформалар туралы толық ақпарат берілді. Сондай-ақ, елімізде өндірілген әйелдер мен балалар аяқ киімдерін Польшаға экспорттау бойынша білдірілген бастамалар талқыланды.
Сонымен қатар, осы кеңеске мүше ірі компаниялардың капиталы негізінде республикамыздың 16 аумақта құрылған шағын индустриялық аймақтарда біріккен жобаларды жүзеге асыруға бағытталған бағдарламаларды әзірлеу бойынша ұсыныстар зерделенді. Польшаның аяқ киім және былғары кеңесінің президенті өз кезегінде Өзбекстандағы қарқынды экономикалық өсу және былғары өнеркәсібіндегі реформалар нәтижесінде жаңа базарларда еліміздің өніміне сұраныс артып отырғанын хабарлады.
Сондықтан көрмелерге қатысты іс-шараларда өзара ынтымақтастық қарым-қатынас орнатуды ұсынды. Осы мақсатта «Узчармсаноат» бірлестігі мен Польшаның аяқ киім және былғары кеңесі арасында ынтымақтастық туралы меморандумға қол қойылды.
Сондай-ақ көрме аясында Польша аяқ киім өндірушілері бірлестігінің төрағасы Карол Кудрамен де сұхбат өткізілді. Кездесуде екіжақты ынтымақтастық байланысты дамыту, экспорт-импорт мәселелері бойынша келіссөздер жүргізілді. Сонымен қатар, бірлестік төрағасы күзде Ташкентте өтетін «UzCharmExpo» халықаралық көрмесіне Польша ұлттық стендімен қатысатынын хабарлады.
«Polshoes Footwear Days» халықаралық көрмесі аясында Бірлестік делегациясы Еуропаның көптеген өндірістік кәсіпорындарымен келіссөздер жүргізіп, тиімді келісімдерге қол жеткізді, деп хабарлайды «Узчармсаноат» бірлестігінің баспасөз қызметі.
