Келісім аясында Жызақ облысындағы «Ғаллаорол» арнайы өнеркәсіп аумағында теміржол жүк вагондарын шығаратын зауыт құру жоспарлануда.
Құжатқа қол қою рәсіміне Словакия Республикасының Өзбекстандағы Төтенше және өкілетті елшісі Виктор Боретский және компания басшылары қатысты.
«Saneg» бас директоры Тулқин Юсупов жүк вагондарын шығаратын зауыт логистикалық инфрақұрылымды айтарлықтай жақсартуға, көлік қызметінің тиімділігін арттыруға сенім білдірді.
Жаңа кәсіпорында вагон-цистерналар, хопперлер, жартылай вагондар және жабық вагондары сияқты түрлі вагон түрлерін шығаратын толық желі болады. Жылдық өндіріс көлемі 2000 вагонға жуық. Бұл вагондар Saneg компаниялар тобын және Өзбекстанның бүкіл логистикалық жүйесін арнайы техникамен қамтамасыз етеді.
«AZC Group» компаниясының атқарушы директоры Роберт Списак техникалық білім мен тәжірибелерді Өзбекстанға әкелгеніне риза екенін айтып, бұл ынтымақтастық логистика мен өнеркәсіпте айтарлықтай жақсартуға әкелетініне сенім білдірді.
Словакияның «AZC Orbis Invest» компаниясы өндірісті сәтті іске қосу және қажетті техникалық тәжірибе мен технологияларды ұсынады. Жаңа зауыт аумақтың өнеркәсіп әлеуетін дамыту және елдің логистикалық инфрақұрылымын жақсартуда маңызды қадам болмақ, деп хабарлайды saneg.com.
