Форумға жалпы 70-тен астам мемлекет қатысуда. Бұл ауқымды шараға Өзбекстан Республикасының атынан еліміздің Ақпараттық технологияларды және коммуникацияларды дамыту министрлігі қатысуда.
2012 жылдан бастап БҰҰ агенттіктері мен халықаралық ұйымдардың – БҰҰ ЕЭК, ЮНЕСКО, ЮНИСЕФ, ДДСҰ қатысуымен WSIS аясында жыл сайын мемлекеттер, қалалар мен аймақтар арасында әлеуметтік маңызы бар ІТ қызметтерін жаратуда қол жеткізілген жетістіктерге арналған «WSIS Prizes» байқауын өткізіп келеді. Байқаудың мақсаты – өмірдің барлық саласына енгізуге арналған табысты халықаралық тәжірибелерді анықтау.
«WSIS Prizes» сыйлығы бүкіл әлемде әлеуметтік және экономикалық дамуды жеделдету үшін АКТ әлеуетін іске қосатын көзге көрінген жобалар үшін 18 аталым бойынша лайықты деп табылады.
IT Park тарапынан жүзеге асырылған Tumaris.Tech жобасы «Capacity building» аталымын жеңіп алып, осы салада жүлделі орынға ие болды.
Tumaris.Tech — IT Park Uzbekistan тарапынан АҚШ Халықаралық даму агенттігімен (USAID) серіктестікте жүзеге асырып жатқан ең ірі жобалардың бірі. Ол 2020 жылдың июлінде іске қосылған.
Tumaris.Tech бағдарламасы әйелдердің кәсіпкерлік бастамаларын толығымен қолдайды. Жоба бірнеше құрамдас бөліктерден тұрады. Ол BPO (Бизнес-үдеріс аутсорсингі) дамытудан бастап фрилансер ретінде жұмыс істегісі келетін әйелдерді оқытуға, стартаптарды дамытуға және инвестицияға оқытуға дейін әйелдердің АКТ экожүйесіне қатысуын арттыруға бағытталған.
Ақпарат үшін: «World Summit on the Information Society Forum 2022» Дүниежүзілік саммиті виртуалды форматта жұмысын 15 мартта бастады және соңғы апта 2022 жылдың 30 майдан 3 июнь аралығында Женевада өтеді. WSIS 2022 форумының ұраны – «АКТ: өркендеу, инклюзивтік және тұрақтылық үшін. Тұрақты даму мақсаттары (SDG) жолында WSIS аясындағы ынтымақтастық.
