Сыртқы істер министрлері Өзбекстан Республикасының Президенті Шавкат Мирзияевтың Венгрияға ресми сапары аясындағы келіссөздердің бағдарламасы мен күн тәртібін егжей-тегжейлі талқылады, екі ел арасындағы қарым-қатынастардың қазіргі жағдайы мен ынтымақтастықты дамыту болашақтарын қарады.
Өзбекстан-Венгрия қарым-қатынастары 2021 жылдағы стратегиялық серіктестік деңгейіне көтерілгеннен кейін осы жоғары дәрежедегі сапар екі ел арасындағы белсенді әрі жан-жақты қамтылған диалогтың, жетекшілер арасындағы достық пен сенімді қарым-қатынастардың жалғасы екені ризалықпен атап өтілді.
Министрлер сыртқы істер министрліктері арасындағы екіжақты саяси кеңесулерді тұрақты түрде жалғастырудың, 2023 жылға дейінгі министрліктераралық ынтымақтастық бағдарламасын сапалы мазмұнмен байытудың маңыздылығы туралы келісіп алды.
Жақында Өзбекстан Сыртқы істер министрлігіне қарасты Халықаралық қатынастар ақпараттық-талдау орталығы мен Венгрия Сыртқы істер және сауда министрлігіне қарасты Сыртқы байланыстар мен сауда институты арасында өзара түсіністік туралы меморандумға қол қойылғаны мұның айқын дәлелі.
Сондай-ақ, автокөлікжөндеу, фармацевтикалық, құрылыс, ауыл шаруашылығы, туризм және тараптарды қызықтыратын басқа да салаларда біріккен жобаларды жүзеге асыру арқылы экономикалық дипломатияны белсенді дамытудың маңыздылығы атап өтілді.
Министрлер парламентаралық диалогты жандандыру, білім беру саласындағы, сондай-ақ «Stipendium Hungaricum» бағдарламасы негізінде қарым-қатынасты нығайту жөніндегі ұсыныстарды қарады.
Халықаралық және өңірлік ұйымдар, атап айтқанда, БҰҰ, ЕҚЫҰ және ТМҰ аясындағы ынтымақтастықты тереңдетуге ерекше назар аударылды.
Венгриялық тарап Өзбекстан мен Еуропа Одағы арасындағы кеңейтілген серіктестік пен ынтымақтастық туралы жаңартылған келісімге тез арада қол қоюды қолдап-қуаттауға дайын екенін растады.
Сұхбат барысында халықаралық және өңірлік саясаттың кейбір жақтары, атап айтқанда, Ауғанстандағы бүгінгі жағдай туралы пікір алмасылды, деп хабарлайды Сыртқы істер министрлігінің баспасөз қызметі.
Кездесу соңында екі елдің сыртқы саяси кеңселерінің басшылары БАҚ өкілдері үшін брифинг өткізді.
