Кездесу барысында 9 июльде мерзімінен бұрын өткен Президент сайлауының үдерістері қызу талқыланды. Өз кезегінде, Эва Эрнст-Дзедзич еліміздегі президенттік сайлаудың сәтті өткенін айтып, дауыс беру күні ол Самарқант облысы мен Ташкент қаласындағы сайлау учаскелерінде болғанын, сайлаушылар көп екенін, олардың көпшілігі әйел-қыздар мен жастар құрайтынын тілге тиек етті.
Д. Ташмухамедова Эва Эрнст-Дзедзичке Өзбекстандағы Президенттік сайлауға халықаралық байқаушы ретінде белсенді қатысқаны үшін алғыс айтып, кейінгі жылдары өзара құрмет пен достыққа негізделген Өзбекстан-Австрия қарым-қатынастары оң динамика көрсеткенін атап өтті.
Кездесуде тараптар парламентаралық байланыстарды дамыту, білім, экономика, туризм және тағы басқа да салалардағы ынтымақтастық мәселелерге де назар аударды, деп хабарлайды Олий Мажлис Сенатының баспасөз қызметі.