Учрашувда 9 июлда муддатидан илгари бўлиб ўтган Президент сайлови жараёнлари қизғин муҳокама этилди. Ўз навбатида, Эва Эрнст-Дзедзич мамлакатимизда Президент сайлови муваффақиятли ўтганини қайд этиб, овоз бериш куни у Самарқанд вилояти ва Тошкент шаҳридаги сайлов участкаларида бўлганини, сайловчиларнинг кўплигини, уларнинг аксариятини хотин-қизлар ва ёшлар ташкил этганини алоҳида эътироф этди.
Д. Ташмухамедова Эва Эрнст-Дзедзичга Ўзбекистонда Президент сайловида халқаро кузатувчи сифатида фаол иштирок этгани учун миннатдорлик билдириб, кейинги йилларда ўзаро ҳурмат ва дўстликка асосланган Ўзбекистон-Австрия муносабатлари ижобий динамика намоён этаётганини таъкидлади.
Учрашувда томонлар парламентлараро алоқаларни ривожлантириш, таълим, иқтисодиёт, туризм ва бошқа соҳалардаги ҳамкорлик масалаларига ҳам эътибор қаратди, деб хабар беради Олий Мажлис Сенати матбуот хизмати.
