Нәтижесінде көптеген елдердің азаматтары, соның ішінде Өзбекстан азаматтары да рейстердің тоқтатылуы немесе кешіктірілуі, транзиттік бағыттардың жабылуы және өзге де ұйымдастырушылық мәселелерге байланысты қиындықтарға тап болуда.
Осыған байланысты Өзбекстан Сыртқы істер министрлігі Өзбекстан азаматтарына Таяу Шығыс бағыты бойынша жоспарланған зиярат, іскерлік, демалыс және өзге де шетелдік сапарларды жағдай тұрақтанғанға дейін уақытша кейінге қалдыруды ұсынды.
Қазіргі уақытта шетелде жүрген отандастардан жағдайға байыппен әрі сақтықпен қарау, адамдар көп жиналатын орындарға бармау, жергілікті заңдар мен тәртіптерді қатаң сақтау, сондай-ақ Өзбекстанның шетелдегі дипломатиялық өкілеттіктер мен консулдық мекемелерімен тұрақты байланыста болу сұралды.
Азаматтардан сапарларды жоспарлау кезінде сақтық шараларын қабылдау және ресми дереккөздер арқылы жарияланып жатқан ақпараттарды есепке алу талап етіледі.
