Бунинг учун улар моноклональ антитаначаларга асосланган вакцина ишлаб чиқишди. Тадқиқот натижалари The New England Journal of Medicine журналида чоп этилган.
Безгакга қарши мавжуд дорилар ҳимоя ва самарадорлик нуқтаи назаридан самараси анча чекланган. Жаҳон соғлиқни сақлаш ташкилоти томонидан тавсия этилган RTS,S (Mosquirix) деб номланган ягона вакцина 5 ойдан 17 ойгача бўлган болаларга 20 ой давомида тўрт дозада берилса, ҳаётнинг дастлабки йилларида қисман ҳимоя қилади.
Янги препаратнинг клиник синовлари Малида икки босқичда ўтказилди, унда препаратнинг хавфсизлиги ва самарадорлиги баҳоланди. Олдинги тажрибалар шуни кўрсатдики, CIS43LS моноклональ антитанача P. falciparum безгак қўзғатувчисини жигар ҳужайраларига етиб боришидан олдин тери ва қонда зарарсизлантиради. Препарат безгакка қарши вакцина олган кўнгиллининг қонидан ушбу антитаначанинг табиий шаклидан ишлаб чиқилган, кейин олимлар организмда узоқроқ муддатга таъсир қилиши учун антитаначани модификация қилишди.
Биринчи босқич эмлашнинг хавфсизлигини кўрсатди. Тадқиқотнинг иккинчи босқичида 18 ёшдан 55 ёшгача бўлган 369 нафар соғлом ёши катта одамлар иштирок этди. Иштирокчилар 24 ҳафта давомида кузатилди. Эмлашнинг самарадорлиги икки усул асосида баҳоланди: биринчисида юқори, иккинчисида кам доза юборилди. Натижалар шуни кўрсатдики, биринчи вариантда препаратнинг самарадорлиги 88,2 фоизга, иккинчисида эса 75 фоизга етди.
Тадқиқотчилар, шунингдек, L9LS деб номланган бегакка қарши иккинчи моноклональ антитаначани ишлаб чиқишди. Бу CIS43LS га қараганда анча кучли, шунинг учун уни томир ичига эмас, балки инъекция сифатида тери остига камроқ дозада юбориш мумкин.
