Касалликдан ҳимоя қилишни бирдан-бир йўли шу бўлиб турганда, нега нотўғри ўйлайди. Шунисига тушунмайман. Эмланиш мутлақо хавфсиз. У инсон иммун тизимига ҳеч қандай салбий тасир кўрсатмайди. Тиббий профилактиканинг энг самарали, ҳаммабоп усули ҳам аслида эмлашдир. Бу эса жамоавий иммунитет ҳосил қилишига сабаб бўлади. Бу амалиёт тиббиётда бугунгина қўлланилгани йўқ.
Ўзингизга маълумки, фарзандларимизда бошқарилувчи инфекцияларга қарши эмлаш ишлари доимо олиб борилган. Масалан, инсон туғилгандан бошлаб гепатитга, туберкулёзга, қизамиқ, қизилча, қоқшол ва бошқа хавфли инфекцияларга қарши эмланади. Агар шу эмлаш ишлари ўз вақтида ўтказилмаганда эди, гепатит ҳам, қизилча ҳам, қизамиқ ҳам, туберкулёз ва қоқшол ҳам кўпайиб кетишига олиб келган бўларди.
Бунинг натижасида инсон саломатлиги билан боғлиқ, бугунгидан ҳам аянчли ҳодисалар содир бўлиши мумкин эди. Соғлиғини йўқотиш билан бирга инсонларни ногиронлик даражаси ортарди. Ваҳоланки, ижтимоий тармоқларда ёлғон хабарларни тарқатаётган, эмланиш жараёнига нисбатан ишончсизликни келтириб чиқараётган фуқароларимизнинг ўзлари ҳам туғилган, дунёга келган давридан бошлаб юқорида номлари келтирилган бошқарилувчи инфекцияларга қарши эмланган. Бундан кўриниб турибдики, уларнинг уйдирма ва ёлғон гаплари асоссиздир.
Қолаверса, улардан фарзандлари, неваралари саломатлиги, келажаги учун 12 турдаги бошқарилувчи касалликларга қарши эмлатяпти. Нега ўша пайти бу масалага чуқурроқ ёндашиб, ўз қарашларини билдиришмаган? Масаланинг моҳияти ҳам аслида шу. Улар билиб қўйишсин, ўша эмлашлар сабаб юртимизда эпидемиологик вазият барқарордир.
Абдуваҳоб Рустамов,
Сирдарё вилоят Соғлиқни сақлаш бошқармаси бошлиғи ёрдамчиси.
