Пешниҳоди ҳар сол 12 май гузарондани ин гуна рӯзро Замбия ба миён гузошта буд ва карори дахлдорро Ассамблеяи Генералии Созмони Милали Муттаҳид дар резолюцияе, ки ҳаммуаллифонашон Боливия, Финляндия, Покистон, Филиппин ва Танзания буданд, якдилона кабул кард. Баргузории чунин рӯз натиҷаҳои Соли байналмилалии солимии растаниҳоро, ки дар солҳои 2020-2021 баргузор гардид, таҳким мебахшад.

Дар қатънома гуфта мешавад, ки растаниҳои солим асоси тамоми мавҷудоти рӯи замин, фаъолияти экосистемаҳо ва амнияти озуқаворӣ ва ғизо мебошанд ва афзудааст, ки солимии растанӣ омили асосии рушди устувори кишоварзӣ мебошад, ки барои таъмини ғизои аҳолии афзояндаи ҷаҳон то соли 2050 зарур аст.

ФАО тахмин мезанад, ки то 40 дарсади зироатҳои ғизоӣ бар асари бемориҳо ва ҳашароти зараррасони растанӣ талаф мешавад ва зарар ба кишоварзӣ вазъи бе ин ҳам мушкилро бо афзоиши гуруснагии ҷаҳонӣ боз ҳам шадидтар мекунад ва ба манбаҳои зиндагии деҳот таҳдид мекунад. Аз нуқтаи назари иқтисодӣ муҳофизат намудани растаниҳо аз ҳашароти зараррасон ва касалиҳо назар ба рафъи оқибатҳои ҳодисаҳои фавқулоддаи саломатии растаниҳо хеле самараноктар аст. Аксар вақт маълум мешавад, ки аз ҳашароти зараррасон ва ангезандаҳои касалиҳои растаниҳо халос шудан ғайриимкон аст ва барои мубориза бурдан ба муқобили онҳо вақт ва маблағи зиёд сарф мешавад.

Бо назардошти комёбиҳо дар доираи Соли байналмилалии саломатии растаниҳо ба панҷ ҳадафи мушаххаси баргузории Рӯзи байналмилалии саломатии растаниҳо инҳо тааллуқ доранд:

баланд бардоштани сатҳи огоҳӣ дар бораи аҳамияти нигоҳ доштани саломатии растаниҳо барои татбиқи Рӯзнома дар давраи то соли 2030 ва махсусан, ноил шудан ба ЦУР 2 (Барҳамдиҳии гуруснагӣ);

гузарондани маъракаҳо оид ба кам кардани хатари паҳншавии ҳашароти зараррасони растанӣ аз ҳисоби тиҷорат ва сайёҳат бо роҳи таъмини риояи стандартҳои байналмилалии саломатии растаниҳо;

таҳкими низоми мониторинг ва огоҳии барвақт барои ҳифзи растаниҳо ва саломатии растаниҳо;

босубот мубориза бурдан бо ҳашароти зараррасон ва истифодаи бесамари пеститсидҳо ба мақсади нигоҳ доштани саломатии растаниҳо ва таъмини ҳифзи муҳити зист;

ҳавасмандгардонии сармоягузорӣ ба инноватсия, тадқиқот, баланд бардоштани иқтидор ва фаъолияти иттилоотиву маърифатӣ дар соҳаи сиҳатии растаниҳо.

ФАО барои расондани кумак дар ҷилавгирӣ аз афзоиши ҳашароти зараррасон ва касалиҳои растаниҳои карантинӣ ва фаромарзӣ дар солҳои охир фаъолона кор мекунад.