"Агар мо ҳеҷ чиз накунем, танҳо ин равандҳо боиси ҳадди ақалл як метр боло рафтани сатҳи баҳр дар 130 соли оянда мешаванд" - гуфт профессори IBS Аксел Тиммерманн. Вай ва ҳамкорони ӯ дарёфтанд, ки болоравии сатҳи баҳр метавонад дар даҳсолаҳои оянда ба таври назаррас суръат гирад, агар инсоният гармшавии глобалиро дар ҳудуди 1,8 дараҷа нигоҳ надорад, менависад «Профиль».
Иқлимшиносҳо модели муфассалтарини компютерии яхбандии Гренландия ва Антарктидаи Ғарбиро созмон дода, ба чунин хулоса омаданд. Ҳисобҳои онҳо нишон доданд, ки гармшавии 1,8 дараҷа як навъ реаксияи занҷираи худтаъминкунандаро ба вуҷуд меорад, ки обшавии пиряхҳоро дар тӯли 150 соли оянда метезонад.
Дар натиҷа сатҳи баҳр то соли 2150 қариб як метр баланд шуда, дар шароити номусоид афзоиш бештар аз 140 сантиметрро ташкил медиҳад, ки ин дар навбати худ барои инфрасохтори шаҳру кишварҳои наздисоҳилӣ мушкилоти зиёде ба вуҷуд меорад, огоҳ карданд олимон.