Масъалаҳои таҳкими минбаъдаи муносибатҳои шарикии махсуси стратегии Ӯзбекистону Куриёи Ҷанубӣ ва густариши ҳамкориҳои бисёрҷанба баррасӣ шуданд.
Дар оғози вохӯрӣ муовини Сарвазир Чху Кён Хо ба сарвари давлатамон саломи самимӣ ва орзуҳои неки Президенти Ҷумҳурии Куриё Юн Сок Ёлро расонд.
Зимни суҳбат рушди пайвастаи робитаҳои дуҷониба, ки ба риштаҳои амиқи таърихии дӯстӣ, шабоҳати тафаккур, анъана ва арзишҳо асос ёфтааст, бо қаноатмандии хоса қайд карда шуд.
Президенти Ўзбекистон ба масъалаҳои ташаккули рӯзномаи нави иқтисодии ҳамкории ҳамаҷониба бо Куриёи Ҷанубӣ алоҳида истода гузашт.
Солҳои охир нишондиҳандаҳои савдои байниҳамдигарӣ ва сармоягузорӣ мунтазам меафзояд. Соли гузашта муомилоти мол 24 фоиз афзуд. Дар мамлакати мо қариб 1000 корхонаи муштарак амал мекунад, ҳаҷми сармоягузории Корея аз 7 миллиард доллар гузаштааст.
Ба шарикии сермаҳсули бисёрсола бо Агентии оид ба ҳамкории байналмилалӣ, Эксимбонки Куриё ва фондҳои он, ки портфели умумии лоиҳаҳо бо онҳо зиёда аз 3 млрд. долларо ташкил медиҳад, баҳои баланд дода шуд.
Дар қатори лоиҳаҳои муштараки бомуваффақият татбиқшаванда клиникаи бисёрсоҳаи кӯдакона, технопарки нассоҷӣ, марказҳои муҳандисии кишоварзӣ ва металлҳои нодир мебошанд.
Ҳамчун самтҳои афзалиятноки ҳамкории амалӣ густариши шарикии технологӣ ва сармоягузорӣ бо ширкатҳои пешбари Куриёи Ҷанубӣ, тезондани барномаҳои дар соҳаи тандурустӣ аз ҷиҳати иҷтимоӣ муҳим, пешбурди лоиҳаҳои муштарак дар соҳаи инфрасохтор, энергетикаи "сабз", идоракунии давлатӣ, бахши молиявӣ, рақамисозӣ ва омӯзиши кадрҳо муайян шуданд.
Мавҷуд будани имкониятҳои фарох барои роҳандозии робитаҳои судманд байни минтақаҳои ду кишвар ва густариши табодули фарҳангиву гуманитарӣ таъкид шуд.
