Теъдоди гирифторони саратон дар байни мардон 84% афзоиш ёфта, аз 10,3 миллион нафар дар соли 2022 то 19 миллион нафар дар соли 2050 пешбинӣ шудааст. Гузашта аз ин, фавт дар ин давра тақрибан ду баробар афзоиш меёбад, яъне 93%: аз 5,5 миллион то 10,5 миллион нафар. Муҳаққиқон пешгӯиҳои худро бар асоси омори 185 кишвар ва қаламрав аз рӯи 30 намуди саратон дар соли 2022 асоснок мекунанд, хабар медиҳад ТАСС.

Ба гуфтаи онҳо, дар соли 2050 маъмултарин навъи саратон саратони шуш боқӣ мемонад. Дар баробари ин, фавт аз саратони ғадуди простата афзоиши бештарро нишон медиҳад - 136%. Олимон ин тамоюлро ба пиршавии аҳолии мардони сайёра ва зиёд шудани давомнокии умр рабт медиҳанд.

Тибқи як пажӯҳиш, мардон нисбат ба занон бештар ба саратон гирифтор мешаванд, зеро онҳо бештар машрубот менӯшанд ва тамокукашӣ мекунанд. Гуфта мешавад, ки мардон низ дар ҷои кор аксаран ба моддаҳои зараровар дучор мешаванд ва аз ташхиси бемории саратон фаъолона намегузаранд.

Олимон таъкид мекунанд, ки барои коҳиш додани хатари саратон, шумо бояд тамокукаширо қатъ кунед, истеъмоли машруботро маҳдуд кунед, хоби кофӣ гиред, машқ кунед ва дар парҳези худ ба меваю сабзавот афзалият диҳед.