Гуфтушунид дар муносибатҳои ду кишвар саҳифаи нав кушода, барои ҳамкориҳои дарозмуддат дар бахшҳои муҳимтарини маориф, илм ва технологияҳои инноватсионӣ замина гузошт.
Аз ҷумла, ҷонибҳо вазъи кунунӣ ва дурнамои рушди ҳамкорӣ дар соҳаи таҳсилоти олӣ, тадқиқоти илмӣ ва инноватсияро муфассал баррасӣ карданд. Муовини вазир С.Бузрухонов ва вазири маориф ва таҳсилоти олии Қатар Бусейна бинт Алӣ Ал-Нуаймин қайд карданд, ки Ӯзбекистон ва Қатар омодаанд муносибатҳои дуҷониба дар соҳаи таҳсилоти олӣ, илм ва инноватсияро густариш дода, лоиҳаҳои муштаракро амалӣ созанд.
Дар рафти гуфтушунид дар бораи мубодилаи донишҷӯёну профессорон, таҷрибаи илмӣ, симпозиуму конференсияҳо байни муассисаҳои таълимии илмии ҳар ду мамлакат созиш ҳосил гардид. Ҷонибҳо ҳамчунин ба татбиқи лоиҳаҳои муштараки илмӣ дар соҳаи зеҳни сунъӣ, биотехнология, экология ва энергетикаи сабз дахл карданд.
Дар натиҷаи гуфтушунидҳо ҷонибҳо ба мувофиқа расиданд, ки нақшаи тадбирҳои рушди ҳамкорӣ дар соҳаи таҳсилоти олӣ, илм ва инноватсияи байни Ҷумҳурии Ӯзбекистон ва Ҳукумати Давлати Қатарро ба имзо расонанд.
