Дар таҳқиқот ихтиёриёни эмгузарониданашуда, аз ҷумла беморон ва кормандони беморхонаи Дандерид, ки дар баҳори соли 2020 коронавирусро аз сар гузаронидаанд, ширкат варзиданд. Дар тӯли як сол табибон масунияти одамро пас аз сирояти табиӣ омӯхтанд. Ғайр аз ин, табибон намунаҳои хуни беш аз сад нафар беморони COVID-19-ро ташхис карданд, менависад «Lenta.ru”.
Натиҷаҳо нишон доданд, ки зиёда аз 80 фоизи одамоне, ки шакли сабуки ин беморӣ доштанд, пас аз як сол сатҳи антителаи ченшаванда доштанд.
Олимон инчунин қобилияти антителаҳоро дар мубориза бо вариантҳои нави вирус арзёбӣ карданд ва муайян карданд, ки онҳо метавонанд бо штаммҳои алфа ва дельта мубориза баранд.
Табибон қайд карданд, ки ваксинаро - ҳатто пас аз коронавирус гирифтан лозим аст. Тибқи гуфтаи онҳо, сатҳи антитела дар наҷотёфтагони ин беморӣ пас аз ваксина ба таври назаррас афзоиш меёбад. Дар айни замон, табибон ҳанӯз намедонанд, ки чӣ гуна онҳо бо давомнокии муҳофизат вобастагӣ доранд.