Дар соли 2020 содироти хурмо дар ҷаҳон дар шакли натуралӣ 11% то 637 ҳазор тонна ва дар шакли пулӣ 17% афзуда, ба 695 млн доллари ИМА расид. Дар ин бора оҷонсии таҳлилии IndexBox дар як гузориши наваш: "Worid - Persimmons - Market Anaiysis, Forecast, Size, Trends and Insiqhts" эълон кардааст.
Кишварҳои асосии содиркунандаи хурмо дар соли 2020 инҳо буданд: Испания (211 ҳазор тонна), Озарбойҷон (126 ҳазор тонна), Чин (108 ҳазор тонна) ва Ӯзбекистон (97 ҳазор тонна) - бо ҳиссаи умумии 85% -и ҳаҷми умумии ҷаҳонии содирот. Пас аз он: Литва (14 ҳазор тонна), Полша (12 ҳазор тонна) ва Гурҷистон (11 ҳазор тонна), ки ба ҳиссаи умумии ин кишварҳо 5,7 фоизи ҳаҷми умумии содироти ҷаҳон рост омад, хабар медиҳад EastFruit.
Бо ифодаи пул Испания (234 миллион доллар), Чин (206 миллион доллар) ва Озарбойҷон (92 миллион доллар) ба бузургтарин кишвари содиркунандаи хурмо бо ҳиссаи 77% аз ҳаҷми умумии интиқоли ҷаҳон табдил ёфтанд.
Чин (+ 62,1% дар як сол) ва Ӯзбекистон (+ 48% дар як сол) суръати баландтарини афзоиши арзиши содиротро дар соли 2020 доранд.
Нархи миёнаи содироти хурмо дар соли 2020 6,4% афзуда, барои 1 тонна 1091 долларро ташкил дод. Кишвари барои хурмо нархи содиротиаш балантарин Чин (1909 доллар барои як тонна) ва пасттаринаш Ӯзбекистон (499 доллар барои як тонна) буд.
Кишварҳои асосии воридкунандаи хурмо дар соли 2020 Русия буд, ки 149 ҳазор тонна ворид кард, ки ин 27 фоизи ҳаҷми умумии воридоти ҷаҳонро ташкил медиҳад. Пас аз он: Қазоқистон (58 ҳазор тонна), Олмон (55 ҳазор тонна), Украина (40 ҳазор тонна), Италия (31 ҳазор тонна), Таиланд (28 ҳазор тонна) ва Фаронса (28 ҳазор тонна). Ҳиссаи умумии ин кишварҳо 44 фоизи ҳаҷми умумии воридоти ҷаҳонро ташкил дод. Дар ҳаҷми ҷаҳонии хариди хурмо Беларус (19 ҳазор тонна), Литва (16 ҳазор тонна), Полша (12 ҳазор тонна), Канада (9,3 ҳазор тонна) ва Британияи Кабир (8,4 ҳазор тонна) ҳиссаи ночизро ташкил намуданд.
Дар шакли пулӣ Русия (20 миллион доллар), Олмон (75 миллион доллар) ва Фаронса (37 миллион доллар) кишварҳои дорои сатҳи баландтарини воридоти хурмо дар соли 2020 буданд, ки ҳиссаи онҳо дар маҷмӯъ 43 фоизи ҳаҷми умумии воридоти ҷаҳонро ташкил медиҳад. Пас аз он Украина, Италия, Қазоқистон, Таиланд, Канада, Литва, Беларус, Полша ва Бритониё бо ҳиссаи умумии 32 фоиз ҷойгир шуданд.
