Jumladan, Samarqand iqtisodiyot va servis instituti talabasi, qoraqalpogʻistonlik U.Xoʻjaahmedov yoʻrgʻa tuvaloqni koʻpaytirish, pastdargʻomlik saylovchi B.Nurmuhammedov taʼlim muassasalarida ekologiya fanini uzluksiz oʻqitishni taklif qildi.
Kattaqurgʻon tumanidagi 3-maktabgacha taʼlim tashkiloti direktori Latofat Qodirova esa bogʻchalar hovlilarida ekologik bogʻlar tashkil etish boʻyicha oʻz fikrlarini bildirdi.
– Barcha shahar va qishloqlarimizdagi maktabgacha taʼlim tashkilotlari hovlisida albatta ochiq yoki koʻkalamzorlashtirilgan, gul va daraxtlar ekilgan maydonlar bor – deydi L.Qodirova. – Ana shu joylarga ekologik bogʻ, deb nom berib, ularni oʻsimlik dunyosi bilan boyitsak, bu ham bolalarimizni yoshligidan tabiatni, atrof-muhitni asrab-avaylashga daʼvat etishga yaxshi turtki boʻladi.
N.Oblomurodov har bir taklif va tashabbuslarni qoʻllab-quvvatlashi hamda ularni amalga oshirish uchun partiya tomonidan zarur chora-tadbirlar koʻrilishini maʼlum qildi.
Samarqanddagi uchrashuvda oʻz saylovoldi dasturi bilan chiqish qilgan Oʻzbekiston Prezidentligiga nomzod N.Oblomurodovga saylovchilar bir qator masalalar yuzasidan savol va takliflarini bildirdilar.
