Talabgorlar test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari kerak boʻladi.
Chet tilini bilish darajasini aniqlash boʻyicha boʻlib oʻtadigan navbatdagi imtihon sanasi eʼlon qilindi.
Unga koʻra, imtihonning yozma qismi — 15-16-fevral kunlari, gapirish koʻnikmasini baholash imtihonlari — 17-fevraldan 11-martga qadar boʻlib oʻtadi.
Talabgorlar imtihon joyi, kuni va aniq vaqtini my.gov.uz saytining «Mening arizalarim« boʻlimidan bilishlari va ruxsatnomani yuklab olishlari mumkin.
Vazirlar Mahkamasining 2021-yil 19-maydagi qarori bilan, 2024/2025-oʻquv yilidan boshlab barcha xorijiy tillar oʻqituvchilari kamida B2 sertifikatiga ega boʻlishi shartligi belgilab qoʻyilgan edi.
Koʻzi ojiz (I va II guruh nogironligi boʻlgan, shuningdek, nogironligi boʻlgan bolalar) shaxslarga moʻljallangan chet tili imtihonlari uchun faqat mazkur toifaga kiruvchi talabgorlar roʻyxatdan oʻtishi mumkin.
