Memorandumda ikki tomonlama hamkorlik va ikki tomonlama aloqalarni oʻzaro manfaatlilik, shuningdek, teng huquqlilik, oʻzaro ishonch, oʻzaro tushunish, Oʻzbekiston Respublikasida Halol turizmni rivojlantirishda maʼnaviy va tijoriy maqsadga muvofiqlik samaradorligi asosida mustahkamlash, Halol turizm uchun qulay shart-sharoitlarni taʼminlash, davlatning iqtisodiy va madaniy rivojlanishida axloqiy meʼyorlar va qoidalarning ahamiyati va muhimligini eʼtiborga olish nazarda tutilgan.
Memorandumga binoan tomonlar Halol turizm, shu jumladan turizm xizmatlarini “Halol” sertifikatlash masalalari boʻyicha qoʻshma tadqiqotlarni rivojlantirish va bunday tadqiqotlarni xalqaro, milliy, mintaqaviy darajalarda oʻtkazish usullarini ishlab chiqishda ishtirok etishlari, kasbiy tayyorgarlik boʻyicha qoʻshma dasturlarni tashkil etishlari, OIC/SMIIC 9:2019 “Halol turizm xizmatlari. Umumiy talablar” standarti talablariga muvofiqligiga mehmonxona xizmatlarini sertifikatlash boʻyicha birgalikda ishlarni amalga oshirishlari mumkin, deb xabar beradi Madaniyat va turizm vazirligi matbuot xizmati.
