Bosh prokuraturasi huzuridagi Iqtisodiy jinoyatlarga qarshi kurashish departamentining xabar berishicha, Departamentning Yunusobod tumani boʻlimi va IIBB xodimlari hamkorligida oʻtkazilgan tezkor tadbirda fuqarolar H.X. va N.Yu. fuqaro A.R.ga 4 000 AQSH dollarini 51 mln soʻmga sotgan vaqtida ushlanib, ulardan 105,8 mln soʻm, 5 450 AQSH dollari va 1 800 turk lirasi ashyoviy dalil sifatida olingan.
Shu kabi, Departamentning Bektemir tumani boʻlimi tomonidan oʻtkazilgan tezkor tadbirda valyuta ayirboshlash bilan shugʻullanib kelgan fuqarolar H.N. va A.J. fuqaro M.X.ga 3 550 AQSH dollarini 46,2 mln soʻmga sotgan vaqtida ushlanib, tadbir davomida jami 3 567 AQSH dollari va 25,3 mln soʻm pullar ashyoviy dalil sifatida olingan.
Shuningdek, Departamentning Rishton tumani boʻlimi tomonidan oʻtkazilgan tezkor tadbirda fuqarolar E.M. va A.J. fuqaro Z.T.ga 5 000 AQSH dollarini 64,9 mln soʻmga sotgan vaqtida ashyoviy dalillar bilan ushlanganlar.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki oʻtkazish) bilan jinoyat ishlari qoʻzgʻatilib, tergov harakatlari oʻtkazilmoqda.
