Maʼlumot uchun, “Tecon” 40 yildan buyon poyabzal sanoati uchun texnologiya va butlovchi qismlar yetkazib berish bilan shugʻullanib keladi. Oʻzining faoliyati davomida “Tecon” Italiyaning milliy brendiga aylanishga muvaffaq boʻldi. Kompaniya dunyoda oʻz oʻrniga egadir.

Uchrashuvda kompaniya menejeri Kamilla Tavitti “Tecon” kompaniyasi rahbari Jorjio Menikoni 8 yil avval Oʻzbekistonga tashrif buyurib, mamlakatimizning imkoniyatlari va ishlab chiqarish quvvatlari bilan tanishgani, ulkan salohiyatdan ruhlanganini taʼkidladi. Bugungi kunda bu salohiyat ochilmoqda, – dedi Kamilla Tavitti – mamlakatimizda investorlar uchun qulay shart-sharoitlar, ochiq va liberal pul-kredit siyosati, biznesni har tomonlama qoʻllab-quvvatlash va davlat kafolatlari mavjud. Aynan shu omillar yangi loyihani amalga oshirishga turtki boʻldi.

Muloqotda Oʻzbekiston charm-poyabzal sanoatining ishlab chiqarish salohiyati, eksport geografiyasiga oid taqdimotlar oʻtkazildi. Italiya kompaniyasi mamlakatimiz hududlaridagi ishlab chiqarish korxonalariga tashrif buyurishdan olgan taassurotlari bilan oʻrtoqlashdi, texnologik jarayonlar va hududlarning salohiyatini yuqori baholadi.

“Oʻzcharmsanoat” uyushmasi matbuot xizmatining xabar berishicha, yaqin kunlarda Italiya kompaniyasi bilan hamkorlik memorandumi imzolanadi. Shundan soʻng yangi ishlab chiqarish loyihasini amalga oshirish boʻyicha dastlabki ishlar boshlanadi, deb xabar beradi “Oʻzcharmsanoat” uyushmasi matbuot xizmati.