Karomat Omonova Osiyo rekordini yangilab, Jahon chempioniga aylandi

    Para yengil atletika boʻyicha Oʻzbekiston terma jamoasi Hindistonning Nyu Dehli shahrida oʻtkazilayotgan Jahon chempionatida navbatdagi medalga ega chiqdi.

    Ayollar oʻrtasida F46 toifasida tashkil etilgan yadro uloqtirish bahslarida ishtirok etgan 20 yoshli hamyurtimiz Karomat Omonova 13.07 m natija bilan barcha raqiblaridan ustun kelish barobarida Osiyo rekordini ham yangiladi.

    Jahon chempionati:

    • Ayollar oʻrtasida yadro uloqtirish dasturi (F46)
    • Karomat Omonova (Oʻzbekiston) — 13.07 (Osiyo rekordi)
    • Xolli Robinson (Yangi Zelandiya) — 12.86 (Okeaniya rekordi)
    • Keti Pegg (Kanada) — 12.76

    Omonovaning ishtirokidan soʻng medallarimiz soni 8 taga yetdi: 3 ta oltin, 4 ta kumush hamda 1 ta bronza. Bellashuvlar davom etadi.