Hozirgi kunga qadar Oʻzbekiston Respublikasi Konstitutsiyasiga oʻzgartish va qoʻshimchalar kiritish boʻyicha jamoatchilik tomonidan jami 40 mingdan ortiq takliflar yuborilgan.
— Konstitutsiyaga oʻzgartish kiritish yuzasidan bildirilayotgan takliflar hududlar kesimida tahlil qilindi, bunda birinchilik Toshkent shahriga taalluqli boʻlib, 7 mingdan ortiq taklif berilayapti, — deydi Konstitutsiyaviy komissiya raisi Akmal Saidov. — Qoraqalpogʻiston Respublikasidagi aholimiz ham nihoyatda faollik koʻrsatishganini alohida taʼkidlash joiz. Ular 2 mingdan ortiq taklif bergan. Fargʻona, Qashqadaryo, Jizzax va Andijon viloyatlarida 3 mingdan ortiq taklif kelib tushgan. Salkam 4 ming taklif anonim kelgan. Lekin ularning orasida ham diqqatga sazovor takliflar boʻlsa, eʼtiborga olishga harakat qildik.
