Maktabgacha taʼlim vazirligi ham vaziyatdan kelib chiqib quyidagilarni maʼlum qildi:

Davlat maktabgacha taʼlim tashkilotlarida COVID-19 pandemiyasi davrida maktabgacha taʼlim tashkilotlarining ish faoliyatiga qoʻyiladigan vaqtinchalik sanitariya-gigiyenik talablar»ga qatʼiy rioya etiladi;

davlat maktabgacha taʼlim tashkilotlarida bayram tadbirlari oʻtkazilishi vaqtinchalik cheklanadi;

ota-onalar va tashqaridan mehmonlar kirishiga yoʻl qoʻyilmaydi (zarur vaziyatlarda soʻnggi uch kunlik PSR testi va emlanganligi haqida sertifikati boʻlishi lozim);

yigʻilishlar oʻtkazilishi cheklanadi, zarur hollarda yigʻilishlarni videokonferensaloqa rejimida oʻtkazish choralari koʻriladi;

mazkur cheklovning buzilishiga yoʻl qoʻyilgan taqdirda tegishli tartibda javobgarlik choralari (hayfsan, jarima va b.q.) qoʻllaniladi.

COVID-19 pandemiyasi davrida kasallik alomatlari aniqlangan MTTlar guruhlari SanEpidxizmat (SES) xulosasiga koʻra vaqtinchalik karantinga yopiladi.

Kasallik alomatlari bartaraf etilganidan soʻng, MTT yoki guruhlar oʻz faoliyatini yana davom ettiradi.