Bu haqda Borno shtati politsiyasi xabar berdi.
“Afsuski, jami 23 kishi halok bo‘ldi, yana 108 kishi turli darajadagi jarohatlar oldi”, deyiladi Borno shtati politsiyasining X ijtimoiy tarmog‘idagi sahifasida joylashtirilgan bayonotda.
Portlashlar shtat markazi Maydugurida sodir bo‘lgan. Tergovchilarning fikricha, xudkushlar universitet shifoxonasi, bozor va avtomobil estakadi yaqinida qo‘lbola portlovchi moslamalarni portlatishgan. Politsiya qo‘shimcha portlovchi moslamalarni tekshirdi. Jabrlanganlar shifoxonalarga olib ketilgan va huquqni muhofaza qilish organlari hodisaning holatlari bo‘yicha tergov boshladi va aybdorlarni qidirmoqda.
Mayduguri – Nigeriya xavfsizlik kuchlarining asosiy dushmani bo‘lgan “Boko Haram” ekstremistik guruhi 2009-yilda tashkil etilgan shahar. Guruh mamlakatda hokimiyatni egallashni maqsad qilgan va muntazam ravishda terroristik hujumlarni amalga oshiradi. 2015-yilda Nigeriya qurolli kuchlari “Boko Haram”ni yirik tarzda mag‘lubiyatga uchratdi va uning nazorati ostidagi hududni sezilarli darajada kamaytirdi. Bunga javoban jangarilar qo‘shni mamlakatlarda, asosan Chad ko‘li mintaqasida bazalar qurishni boshlashdi. 2015-yilda “Boko Haram” bo‘linib ketdi va keyinchalik “G‘arbiy Afrikada Islomiy davlat”ni tashkil etgan jangari guruh paydo bo‘ldi, deb xabar berdi tass.ru.
