Taʼkidlanishicha, bu oxirgi 5 yil ichidagi eng baland koʼrsatkich. Oʼtgan yillardagidek, bunga sabab sifatida GMP standartlariga rioya qilmaslik koʼrsatilgan.
Shu bilan birga, eng koʼp qaytarib olish holatlari (taxminan 37%) dori vositalarini ishlab chiqarish va saqlash uchun harorat sharoitlariga rioya qilmaslik, standart ishlash tartib-qoidalariga va sifatni taʼminlash tizimining ichki hujjatlariga rioya qilmaslik bilan bogʼliq. Shuningdek, yetkazib beruvchilardan ilgari qaytarib olingan ifloslangan yordamchi vositalardan foydalangan holda dori vositalarini ishlab chiqarish ham jiddiy sabablardan biri boʼldi.
Hisobotda taʼkidlanganidek, ishlab chiqarish maydonlarida tekshiruvlar paytida olingan past koʼrsatkichlar va dorilarni qaytarib olish oʼrtasida sezilarli bogʼliqlik saqlanib qolmoqda.
Qaytarib olingan dorilar roʼyxatida koʼp marotaba uchraydigan xalqaro patentlanmagan nomlar: asetaminofenni oʼz ichiga olgan dorilar (tabletkalar, suyuqliklar, suspenziyalar), gidroxlorotiazidli va gidroxlortiazidsiz losartan (tabletkalar), feksofenadin/psevdoefedrin (tabletkalar), oksimetazolin gidroxloridi (nazal yeritmasi) va magniy sitrati (peroral eritmasi).
Bundan tashqari, 2022-yilda FDA GMP standartlarini buzish bilan bogʼliq 72 ta ogohlantirish xati chiqargan, va ularning 68 foizi steril boʼlmagan tayyor dozalash shakldagi preparatlarni ishlab chiqaruvchilariga yuborilgan.
FDA mutaxassislari tomonidan oʼtkazilgan namunalar tekshiruvi natijasi 1552 ta mahsulot namunasidan 892 tasi (57,5%) normativ talablarga javob bermasligini koʼrsatdi. Biroq CDER maʼlumotlariga koʼra, bunday natijalat AQSh bozorida sotiladigan dorilar sifatining pasayganligini toʼgʼrisida dalolat bermaydi
