— Oʻzbekiston Respublikasi Innovatsion rivojlanish vazirligi va Tibbiy asbob-uskunalar ishlab chiqaruvchilar assotsiatsiyasi bilan hamkorlikda biz oʻpkani shamollatish moslamalari va anesteziya asboblari ishlab chiqarish boʻyicha keng koʻlamli kompleks qurilishini tezlashtirishga harakat qildik.

Joriy yilning avgust oyida ushbu zavodni ochish va butun Markaziy Osiyo mintaqasi uchun strategik ahamiyatga ega boʻlgan ishlab chiqarishni yoʻlga qoʻyish, shuningdek, zavod bazasida mexanik shamollatish va nafas olish anesteziyasida qoʻllaniladigan apparatlardan foydalanish boʻyicha seminarlar oʻtkazish uchun xizmat qiladigan oʻquv markazini tashkil etish rejalashtirilmoqda.

“Kompaniya bu noyob ishlab chiqarishga 8 million AQSH dollaridan koʻproq mablagʻ sarflaydi va 100 ga yaqin ish oʻrinlarini yaratadi", dedi "Xirana +" bosh direktori Vasiliy Shimko.

Yil oxiriga kelib zavodda 100 ga yaqin shamollatish moslamalari ishlab chiqariladi. Kelgusida ishlab chiqarish hajmi yiliga 500 ta shamollatish moslamasi va 500 ta nafas olish apparati darajasiga koʻtariladi.

Ishlab chiqarilgan mahsulotlar Tojikiston, Turkmaniston, Qirgʻiziston va Afgʻonistonda sotiladi.