Oʻzbekistoning Qozondagi Bosh konsulligi maʼlumotiga koʻra, Tatariston Sanoat va savdo vazirligining 2022-yil uchun sanoat sohasidagi faoliyati natijalari va
2023-yil rejalariga bagʻishlangan kengashi doirasida Tatariston sanoat korxonalari tomonidan ishlab chiqarilgan koʻrgazma boʻlib oʻtdi.
Unda “Chirchiq” kimyo-sanoat texnoparki va “Jizzax” texnoparkidagi “Ximgrad” OAJ alohida boʻlma tashkil qilgani holda oʻz mahsulotlarini namoyish etdi.
“Ximgrad” OAJ direktori A.Gizzatullin Kengashdagi nutqida tataristonlik ishbilarmon doiralar vakillariga Oʻzbekistonda tashkil etilgan “Chirchiq” kimyo-sanoat texnoparki va “Jizzax” texnoparkida yaratilgan qulay sharoitlar haqida maʼlumot berdi. U mahalliy ishbilarmonlarni Oʻzbekistonda oʻz bizneslarini rivojlantirishga chaqirdi, deb xabar beradi “Dunyo” AA.
“Tatariston tashqi iqtisodiy faoliyatining asosiy koʻrsatkichi va muvaffaqiyati 2022-yil mart oyida Oʻzbekistonning Toshkent viloyatidagi “Chirchiq” kimyo-anoat texnoparkidagi loyihaning hayotga
tatbiq etilishi boʻldi. Bu chet elda mahalliylashtirish boʻyicha birinchi ishga tushirilgan platformadir. Bundan tashqari, Tatariston Raisi boshchiligidagi delegatsiyaning
2022-yil oktyabr oyida Oʻzbekistonga tashrifi yakunlari boʻyicha “Ximgrad” OAJ Jizzax viloyatida sanoat parkini yaratish boʻyicha ishlarni boshlab yuborgan”, dedi A.Gizzatullin.