2021-yilda Fargʻona viloyati Soʻx tumanida yashovchi fuqaro Toʻlqin Asroriddinov hamda quvalik Alijon Tojiboyev hamkorlikda gul koʻchatlarini yetishtirish boʻyicha fermer xoʻjaligi tashkil etgan.
Hamkorlik va hamfikrlilikdagi fermer xoʻjaligiga "Asad vodiy gullari" deb nom berildi.
Fermer xoʻjaligiga dunyoning rivojlangan davlatlaridan gullarning 300 dan ortiq turdagi navi olib kelinib, payvand qilinib, asta-sekin ekishga tayyorlanmoqda.
Bu yerda yetishtirilgan atirgul koʻchatlari asosan Rossiyaga eksport qilinadi.
