Oʻzbekiston Respublikasi Innovatsion rivojlanish vazirligi tomonidan irsiy kasalliklarga barvaqt tashxis qoʻyish usullarini takomillashtirish uchun moliyalashtirilgan startap loyiha qiymati 1,038 million soʻmni tashkil etadi.
Tadbirda soʻzga chiqqanlarning taʼkidlashicha, mazkur noyob laboratoriya yordamida Oʻzbekistonda ilk bor noinvaziv usulda homilador ayollarni skrining qilish imkoniyati yaratiladi. Bunda ona qonidan homilaning DNK si oʻrganiladi.
Startap loyihasining dolzarbligi haqida gap ketar ekan, bugungi kunda dunyoda har 100 boladan 5-6 nafari genetik kasallik bilan tugʻilishi qayd etildi. Bu nuqsonlar bolaning intellektual rivojlanishidagi buzilishlar bilan oʻtadi. Ularning 5-6 foizi birinchi marta paydo boʻlgan yoki ota-onadan biridan oʻtgan irsiy kasalliklar ekanligi aniqlangan.
Loyiha tashabbuskori - GENMEDICAL MCHJ rahbari Nilufar Xushvakova tomonidan laboratoriya xizmatini tashkil etish ishlari boshlab yuborildi. Jumladan, molekulyar genetika laboratoriya uskunalari va dasturiy mahsulotlarini ishlab chiqaruvchi korxonalar bilan muzokaralar olib borilib, kerakli jihozlar Rossiya, Ispaniya hamda Germaniya davlatlaridan keltirilgan asbob-uskunalar yordamida tahlillar oʻtkazish uchun moʻljallangan PZR apparatlari ishga tushirildi. Loyiha doirasida dastlab 5 ta ish oʻrni yaratilishi va kelgusida ushbu koʻrsatkich 2-3 barobarga koʻpayishi taʼkidlandi.
Kelgusida hududlardagi bemorlarga maslahat olish uchun xorijiy va mahalliy tibbiyot markazlari, klinikalari bilan hamkorlikda amaliy ishlar olib borilishi rejalashtirilgan deb xabar beradi Innovatsion rivojlanish vazirligi matbuot xizmati.
