21-oktyabr kuni “Aeroflot” aviakompaniyasining SU-1870 reysi bilan Moskva-Toshkent yoʻnalishida parvoz qilgan Oʻzbekiston fuqarosi Toshkent xalqaro aeroportida qoʻlga olindi, deb xabar berdi IIV Transport va turizm obyektlari xavfsizligini taʼminlash boshqarmasi matbuot xizmati “Gazeta.uz”ga.
Surxondaryo viloyatida tugʻilgan erkak jamoat tartibini buzib, behayo soʻzlarni ishlatgan, yoʻlovchilar va bort kuzatuvchilarga xalal bergan.
24-oktyabr kuni Sergeli tuman sudi ishni koʻrib chiqib, unga nisbatan BHMning 3 baravari (990 ming soʻm) miqdorida jarima jazosini tayinladi.
