Bu haqda IIV TQB Kiberxavfsizlik markazi Matbuot xizmati xabar berdi.
Maʼlum boʻlishicha, tezkor-qidiruv xizmati Kiberxavfsizlik boʻlinmalari xodimlari tomonidan oʻtkazilgan tezkor-qidiruv tadbirlari natijasida, mazkur jinoyatni Qashqadaryo viloyati Qarshi shahrida yashovchi 35 yoshli N.J. sodir etganligi aniqlangan.
Gumonlanuvchi sifatida tergov organlariga jalb etilgan N.J. aslida kirakashlik bilan shugʻullanishi maʼlum boʻldi. U jabrlanuvchi G.S.ni bir necha bor uyiga olib borib qoʻyish orqali u bilan tanishib olgan.
Gumonlanuvchi N.J., jabrlanuvchi G.S. bilan maʼlum vaqt ishqiy munosabatda boʻlib kelgan va uning turli behayo fotosuratlarini qoʻlga kiritib, ijtimoiy tarmoqlarda tarqatib yubormaslik evaziga 2 800 000 soʻmlik telefon qurilmasi yoki ushbu telefon qurilmasining pulini talab qilib, mazkur pullarni olayotgan vaqtida Tezkor-qidiruv xizmati Kiberxavfsizlik boʻlinmalari tomonidan ashyoviy dalil bilan ushlanib, tegishli tartibda hujjatlar rasmiylashtirilgan.
Mazkur holat yuzasidan N.J.ga nisbatan JKning 165-moddasi 2-qismi bilan jinoyat ishi qoʻzgʻatilgan.
