Bunday vaziyatda eng samarali yo'l — uy, korxona, bog'cha, maktab va shifoxonalarda muqobil energiyadan foydalanishni ko'paytirishdir. Shu boisdan, Toshkent viloyatida ham qayta tiklanuvchi energiya uskunalarini keng joriy etish, bu borada aholini qo'llab-quvvatlash chora-tadbirlari amalga oshirilmoqda.

Shu maqsadda, viloyatdagi 54 ta oilaviy shifokorlik punkti poliklinikalariga zamonaviy quyosh elektr panellari o'rnatish uchun mablag'lar ajratildi.

Shuningdek, mahalliy byudjetning iqtisod qilingan qismidan Chinoz tumani tibbiyot birlashmasiga elektr transfarmator o'rnatish, Parkent tumani Tibbiyot birlashmasining xirurgiya, anesteziologiya-reanimatsiya bo'limlarini 15 turdagi zamonaviy asbob-uskunalar bilan jihozlash, 2-sonli viloyat ruhiy asab kasalliklari shifoxonasining moddiy texnik bazasini mustahkamlash uchun ham mablag'lar yo'naltirilmoqda.