Лого Лого-пв-уз

    “Vatanparvar” tashkiloti sportchilari Qozogʻistonda navbatdagi gʻalabani qoʻlga kiritdi

    Sport 25 May 2022 593

    Qozogʻiston Respublikasida karting boʻyicha oʻsmirlar oʻrtasida oʻtkazilgan chempionatning birinchi bosqichida “Vatanparvar” tashkiloti Namangan viloyati kengashining karting sporti seksiyasi sportchisi, 14 yoshli Yasmina Egamberdiyeva “OK-junior” sinfida birinchi oʻrinni egalladi.

    Shuningdek, tashkilotning Toshkent shahar kengashi tasarrufidagi Yashnobod tumani Oʻquv sport texnik klubining karting sporti seksiyasi sportchisi, 11 yoshli Amir Hamroyev ushbu musobaqaning “Super-mini” sinfida bellashib, gʻoliblikni qoʻlga kiritdi, deya xabar beradi Oʻzbekiston Respublikasi mudofaasiga koʻmaklashuvchi “Vatanparvar” tashkiloti Matbuot xizmati.

    Eslatib oʻtamiz, joriy yilning aprel oyida Qozogʻistonda oʻtkazilgan Respublika turnirining 1-bosqichida ham Amir Xamrayev faxrli birinchi oʻrinni egallab, ushbu sport turi boʻyicha oʻz tengdoshlari orasida tengsizligini isbotlagan edi.