Tashrif doirasida qishloq xoʻjaligi, farmatsevtika, logistika, taʼlim, qurilish hamda turizm sohalarida ish yurituvchi 150 ga yaqin ikki davlat ishbilarmon doira vakillari ishtirokida Oʻzbekiston-Hindiston biznes forumi hamda B2B formatidagi ikki tomonlama uchrashuvlar tashkil etildi.
Oʻzbekiston va Hindiston oʻrtasidagi tovar aylanmasi 2023-yil holatiga koʻra, 691,5 mln dollarni tashkil etadi. Hindiston davlatiga amalga oshirilgan eksport hajmi 36,5 mln dollar, import hajmi 655,1 mln dollardan iborat.
Tadbirda Oʻzbekiston Savdo-sanoat palatasi raisi oʻrinbosari Dilshod Rasulov hamda Hindistonning Oʻzbekistondagi Favqulotda va muhtor elchisi Smita Pant va Hindiston Savdo-sanoat palatalari Federatsiyasi bosh maslahatchisi Manab Majumdar oʻz nutqilari bilan ochib berdi.
Forum doirasida ikki davlat vazirlik, idora va tashkilot vakillari Oʻzbekiston hamda Hindiston davlatining savdo-iqtisodiy munosabatlarini rivojlantirish boʻyicha tadbirkorlikning keng istiqbollari namoyish etilgan taqdimot bilan qatnashdi.
