2026-жылдың январь-февраль айларында Өзбекстанның Орайлық Азия мәмлекетлери менен сыртқы саўда көлеми 1,2 миллиард долларға (2025-жылдың усы дәўирине салыстырғанда +28,6 процент) жетип, улыўма сыртқы саўда көлеминиң 10,7 процентин қурады.
Онда Өзбекстанның Орайлық Азия мәмлекетлерине экспорты 384,7 миллион доллар (+17,5 процент), импорты болса 859,6 миллион доллар (+34,3 процент) болды.
Орайлық Азия мәмлекетлери кесиминде Өзбекстанның сыртқы саўда көрсеткишлери:
- Қазақстан менен товар алмасыў $837,5 млн. (+26,8%), соннан экспорт - $160,4 млн., импорт - $677 млн.
- Түркменстан менен товар алмасыў $149,5 млн. (+21,1%), экспорт - $28 млн., импорт - $121,5 млн.
- Қырғызстан менен товар алмасыў 37,8 процентке артып, 136,4 миллион долларды қурады, соннан экспорт - 102,1 миллион доллар, импорт - 34,3 миллион доллар.
- Тәжикстан менен товар алмасыў 43,1 процентке артып, 121 миллион долларды, экспорт 94,2 миллион долларды, импорт 26,8 миллион долларды қурады.
Өзбекстанның Орайлық Азия мәмлекетлери менен товар алмасыўындағы ең үлкен үлес Қазақстанға - 67 процент, қалған үлеси Түркменстан - 12 процент, Қырғызстан - 11 процент ҳәм Тәжикстан - 10 процентке туўра келеди.
