Халықаралық сөйлесиў майданшасында еки мәмлекеттиң жоқары билимлендириў
системасы басшылары, министрликлер ҳәм уйымлардың ўәкиллери, университет
ректорлары, сондай-ақ, академиялық жәмийетшилик ўәкиллери қатнаспақта.
Форумның ашылыў мәресиминде Өзбекстан Республикасы Жоқары билимлендириў,
илим ҳәм инновациялар министри Конгратбай Шарипов, Қырғызстан Республикасы
Илим, жоқары билимлендириў ҳәм инновациялар министри Гулзат Исаматова ҳәм
Қырғызстан Республикасы Министрлер Кабинети Баслығының орынбасары Улан
Маматканов шығып сөйледи.
Қатнасыўшылар
өзлериниң шығып сөйлеўлеринде еки мәмлекет арасында жоқары билимлендириў ҳәм
илим тараўындағы бирге ислесиўдиң бүгинги жағдайы, ерисилген нәтийжелерди атап
өтип, келешектеги бирге ислесиўдиң тийкарғы бағдарларын белгилеп алды.
Форум Өзбекстан
ҳәм Қырғызстан жоқары оқыў орынлары арасындағы стратегиялық шерикликти
беккемлеў, академиялық ҳәм илимий байланысларды кеңейтиў, студентлер ҳәм
оқытыўшылар мобильлигин раўажландырыў, билимлендириў, илим ҳәм бизнести
интеграциялаў ушын әҳмийетли майдан екени атап өтилди.
Илаж шеңберинде
еки мәмлекет жоқары оқыў орынлары арасында бирге ислесиў ҳаққындағы
келисимлерге қол қойыў, студентлердиң стартап жойбарлары көргизбесин өткериў
ҳәм заманагөй университетлерди турақлы раўажландырыў мәселелерин додалаў
режелестирилген.
