Жыллық тутыныў баҳалары индекси 106,4 процентти қураған, бул болса
2025-жылдың июль айындағы көрсеткиштен (108,9 процент) 2,5 процентке төмен.
Июль айында азық-аўқат өнимлери орташа 0,9 процентке арзанласа,
азық-аўқат емес товарлар 0,3 процентке, халыққа төлемли хызметлер 0,5 процентке
қымбатлаған.
Азық-аўқат өнимлери арасында гешир (+12,6%), узын дәнли гүриш (+6,4%),
домалақ дәнли гүриш (+6,1%), мәш (+4,2%) ҳәм пияз (+1,7%) баҳаларының ең жоқары
өсиўи атап өтилди.
Соның менен
бирге, баклажан (-42,8 процент), болгар бурышы (-39,4 процент), помидор (-24,0
процент), ғарбыз (-20,3 процент), картошка (-18,0 процент), қаўын (-14,5
процент), шабдал (-10,6 процент), қыяр (-10,6 процент), чеснок (-10,0 процент),
алмурт (-7,1 процент), жүзим (-6,6 процент), алма (-6,6 процент), банан (-6,6
процент) ҳәм мәйек (-5,0 процент) баҳаларының сезилерли дәрежеде төменлегени
атап өтилди.
Азық-аўқат емес
товарлардың ишинде бензин көбирек қымбатлаған: АИ-98 ҳәм АИ-100 - 10,0 процентке,
АИ-95 - 8,5 процентке, АИ-92 - 3,9 процентке.
Хызметлер
тараўында баҳалардың өсиўи тийкарынан турмыслық шығындыларды алып шығыў (+2,7
процент), мобиль байланыс хызметлери (+2,4 процент) ҳәм қала автобусларында жол
ҳақының артыўы (+1,4 процент) менен байланыслы.
Тутыныў баҳалары
индексин есаплаў ушын қәнигелер тәрепинен 10 мыңнан аслам саўда ҳәм хызмет
көрсетиў объектлеринде 2 миллионнан аслам баҳа бақлаўлары дизимге алынған.
Мониторинг 419 түрдеги азық-аўқат ҳәм азық-аўқат емес товарлар және 98 түрдеги
хызметлерди қамтып алды.
