Бағдарлама техникалық таярлық, көркем өнер, спорт, наўқасларды күтиў ҳәм
басқа да шынығыўларды өз ишине алады. Ҳәр бир робот ушын бағдарлама оның
физикалық имканиятлары - услап алыў күши, ҳәрекет шеңбери, сенсорлардың ислеўи
ҳәм турақлылығын есапқа алған ҳалда бейимлестириледи, деп жазады “Gulf News”.
Оқыўдан соң роботлар кәрханалар, хызмет көрсетиў, қәўипсизлик ҳәм
кеўилашар тараўларда ислеўге рухсат алыўдан алдын сертификатлаў имтиханларынан
өтиўи керек.
Сондай-ақ, базаға
140 тан аслам робот жайластырылған болып, олар 40 тан аслам ҳәр қыйлы
шараятларда, соның ишинде, қоймахана, ферма, асхана ҳәм шахта имитациясында
ислеўге үйретиледи. Жойбарда 40 қа шамалас компания ҳәм 10 нан аслам жоқары
оқыў орны қатнаспақта.
Ханчжоуда 700 ден
аслам робототехника кәрханасы бар. 2025-жылы Қытай 13 мыңға шамалас адам
тәризли роботларды жеткерип берди.
Мектептиң ашылыўы
Қытай робототехникасының көргизбели жойбарлардан әмелий ҳәм санаатқа өтип
атырғанынан дәрек береди.
