Ушырасыўда Сирил Гу Франция Республикасы Ишки ислер
министрлиги тәрепинен Орайлық Азия мәмлекетлериниң ҳуқық қорғаў уйымлары менен
бирге ислесиўди муўапықластырыў бойынша жуўапкер етип тайынланғанын мәлим етти.
Сондай-ақ, оның Ташкенттеги жумысы Өзбекстан ҳәм Франция арасында ҳуқық қорғаў
тараўындағы бирге ислесиўди буннан былай да раўажландырыўда үлкен әҳмийетке ийе
екенин атап өтти.
Сөйлесиўде Франция ҳәм Өзбекстан ишки ислер
министрликлери арасындағы бирге ислесиўди жаңа басқышқа алып шығыў, атап
айтқанда, хызметкерлердиң маманлығын арттырыў, өз-ара тәжирийбе алмасыў ҳәм
сапарларды жоқары дәрежеде шөлкемлестириў мәселелери додаланды.
Тәреплер бирге ислесиўди және де жеделлестириў ҳәм бар
байланысларды беккемлеў бойынша биргеликте жумыс алып барыўға келисип алды.
Ушырасыў соңында Өзбекстан Республикасы Ишки ислер
министрлиги Халықаралық бирге ислесиў басқармасы басшылығының ўәкиллери Сирил
Гуға жуўапкершиликли жумысында табыслар тиледи.
