Миллий мәжилисте 279 депутат нызам жойбарын қоллап-қуўатлап, 81 депутат
қарсы даўыс берди. Сенатта бул басламаны 243 парламент ағзасы қоллап-қуўатлады,
тек ғана еки адам қарсы болды, деп жазады "ТАСС".
Жаңа нызам социаллық тармақ ийелерине пайдаланыўшылардың жасын
тексериўдиң нәтийжели механизмлерин енгизиў миннетлемесин жүклейди. Сондай-ақ,
платформалар 15 жасқа толмаған пайдаланыўшылардың аккаунтларын өширип таслаўы
керек болады. 15 жастан 18 жасқа шекемги жас өспиримлер ушын социаллық
тармақлардан пайдаланыў ўақтын шеклейтуғын "санлы комендантлық сааты"
енгизилмекте.
Франция
Президенти Эммануэль Макрон нызамға қол қойғаннан соң ҳүжжет 2026-жыл
1-сентябрьден күшке киретуғыны күтилмекте. Биринши басқышта 15 жасқа толмаған
жас өспиримлерге жаңа аккаунт жаратыў қадаған етиледи. Бул жас категориясындағы
есап бетлерин толық сапластырыў 2027-жыл 1-январьға шекем жуўмақланыўы керек.
Франция ғалаба
хабар қуралларының атап өтиўинше, нызам күшке киргеннен кейин Франция
балалардың социаллық тармақлардан пайдаланыўы бойынша бундай қатаң жас
шеклеўлерин енгизген Европадағы биринши мәмлекет болады.
