Сөйлесиў алдында Россия жетекшиси мәмлекетимиз басшысын туўылған күни менен қызғын қутлықлап, оған беккем денсаўлық, бахыт-ығбал, дос Өзбекстан халқының абаданлығы жолындағы жумысында жаңа табыслар тиледи.
Жоқары дәрежеде ерисилген келисимлерди әмелге асырыў шеңберинде Өзбекстан – Россия ҳәр тәреплеме стратегиялық шериклик ҳәм аўқамласлық қатнасықларын буннан былай да раўажландырыў ҳәм беккемлеўдиң әҳмийетли мәселелери додаланды.
Өз-ара товар алмасыў көрсеткишлериниң өсиў пәтлерин сақлап қалыў, тийкарғы бағдарларда жетекши кәрхана ҳәм компаниялардың кооперациялық жойбарларын алға қойыў, еки ел аймақлары арасындағы нәтийжели бирге ислесиўди кеңейтиўге айрықша итибар қаратылды.
Мәдений-гуманитарлық алмасыў жедел даўам етип атырғаны үлкен қанаатланыўшылық пенен атап өтилди.
Өзбекстан ҳәм Россия жетекшилери болажақ еки тәреплеме илажлардың режесин де көрип шықты.
