Миграция агенттігінің баспасөз қызметінің хабарлауынша, келіссөздерге агенттік басшысы Беҳзод Мусаев, Өзбекстан Ауыл шаруашылығы министрі Иброҳим Абдураҳмонов, Италия Ауыл шаруашылығы министрі Франческо Лоллобриджида және Confagricoltura ұйымының вице-президенті Лука Бронделли қатысқан.
Кездесу қорытындысында Миграция агенттігі мен Италияның Associazione Imprese Ortofrutticole (жеміс-көкөніс кәсіпорындары қауымдастығы) арасында ынтымақтастық туралы келісімге қол қойылды.
Келісімге сәйкес, өзбекстандықтар Италияға 3 айдан 9 айға дейінгі маусымдық жұмыстарға тартылады.
Қауымдастық президенті Марко Салви биыл пилоттық жоба аясында 100 өзбекстандықты жұмыспен қамтамасыз етуге дайын екенін мәлімдеді.
Ақпарат үшін, бұл қауымдастық Италиядағы жеміс-көкөніс саласындағы 35-тен астам ірі компанияны біріктіреді. Ол фермерліктен бастап қайта өңдеу, логистика және экспортқа дейінгі толық агроөнеркәсіптік тізбекті қамтиды. Негізгі өнімдерінің қатарына алма, киви, анар және құлпынай кіреді.
